قصه واقعيه حدثت الى شباب من القطيف سنه 1429هـ

نًبَض جُ ـًدِيِد

السلام عليكم ورحمة الله وبركاته
راح اروي لكم قصه اخوتي ليله مولد الامام الحسن عليه السلام وهي قصه واقعيه حدثت قبل سنه وكم شهر طباعاً قصه وله في الخيال حدث الى شباب من القطيف وبالتحديد تاروت والاحداث في القطيف شارع القدس جنب اشارة مزايا
حدثه هذه القصه في شهر رمضان الموافق 14 ليله 15سنه 1429هـ
اول شي راح اعرفكم بأصحاب الفلم عفواً قصدي القصه
راح ابدي اعرفكم باخوتي وهم
القائد حقهم محمد علي كان عمره20 سنه يشتغل في شركة حفر آبار بترول عنده سياره ونيت ابورفرف واللحين عمره 21سنه
عبدالله علي كان عمره 18سنه طالب بالثانويه سنه ثالثه وهو مو تبع سوالف لهبال وعصبي ويحب يربي الدجاج والحمام وعنده سياره سوبر واللحين عمره 19 يدرس في معهد الادارة بالرياض
حيدر علي عمره 12 سنه طالب اول متوسط عنده سيكل هع واللحين عمره 12سنه في صف ثاني متوسط زعطه ويفكر حاله قوي
ومعاهم ولد عمتي
حسن حبيب كان عمره 20 سنه وهو بعمر محمد يشتغل في المعجل طبعاً مايدوم يخلي هندي يدق الكرت عنه يعني شبه عطال بطال وعنده سياره قراندي واللحين عمره 21سنه
ومعه اولاد عمه
زهيرعلي كان عمره 20 سنه يشتغل في الجوازات عنده سيارة هونداي اكورد واللحين عمره 21سنه
فاضل علي كان عمره 19سنه يشتغل في شركه الميناء بالدمام عنده سياره كامري واللحين عمره 20سنه
ومعاهم باقي الشباب
كميل جعفر كان عمره 23سنه يشتغل في الجوازات وعنده سيارة التيما واللحين عمره 24سنه
وولد خاله عبدالله د كان عمره 23 سنه يشتغل في شركه البترول أي التقيب ماعنده سيارة مايبي يسوق واللحين عمره 24سنه
ومعاهم سيد احمد نجيب كان عمره 19 سنه يشتغل في الجوازات عنده سياره جيتي نيسان واللحين عمره 20 سنه
أحمد كان عمره 19 سنه يدرس في معهد لغه عنده سياره مرسدس واللحين عمره 20 سنه
مرتضى محمد كان عمره 20سنه يشتغل على باص واللحين عمره 21سنه
ومعاهم ولد جيرانا
حسين عبدالله كان عمره 19سنه يدرس في ثالث ثانوي طبعاً عايد سنه وجنونه شي اسمه عصافير وكله يبي فلوس علشان يشتري العصافير مدري شنو يحب فيهم الحمدلله والشكر وعنده سيارة التيما2005واللحين عمره 20 سنه عطال بطال
وولد عمه علي سلمان كان عمره 19سنه يدرس في ارامكو عنده سيارة جيتي نيسان واللحين عمره20سنه
يعني كانوا كلهم اعمارهم متقاربه بس ضايع بينهم البزر حيدر
.................................................. ..............................
الان تبدأ القصه
البـــــــــــــــــــــــــــــــــــــــــــــــ ـــارت الاول
طبعاً كل سنه في منتصف شعبان ورمضان تتطلع الشله كلها بسيارة وحده ويجلسوا يداوروا في مناطق القطيف لان زي ما تعرفون شعبان مولد صاحب العصر والزمان اللهم عجل فرجه الشريف وفي رمضان مولد الامام الحسن بن علي عليه السلام وأي واحد من القطيف أو أي واحد شيعي ومن أي مكان راح يفهم القصه وبالدات مع الحكومه
طلعوا ليله مولد الامام الحسن (ع) (الناصفه) كالعادة بعد ما شاهدوا مسلسل عيل قريه وبيني وبينك أول شيء راحوا اخوتي محمد وحسين (طبعاًحسين مايطلع معاهم بس علشان يصور )
وهم توهم بيروحوا الا حسن حبيب يتصل على محمد
محمد رد:الو هلا
حسن حبيب :هلا بيك متباركين بالليله
محمد علي :الله يبارك فيك
حسن حبيب:ها ويبنك
محمد علي :أنا في القطيف>>>طبعاً هذه كذبه بيضه لان هم لسه بتاروت
حسن حبيب:مابتتطلع بالوينيت؟
محمد علي : كيفه بطلع بس لما ارجع البيت باوزع وبعدين بامر عليكم انتوا تجمعوا عند بيت عمك علي علشان انا امر عليكم أخدكم ونطلع
حسن حبيب : اوكي بس لاتتاخر
محمد علي : اوكي باي
المهم وصلوا محمد وحسين الاستيديو ومن حظهم ماكان في احد يصور على طول دخلوايصوروا وعقب مارجعوا واله عبدالله بدا يوزع الناصفه وقف محمد وياه اشوي
وقال له انا باخد لفه في الفريق سريعه وبرجع
قال له عبدالله: اوكي بس لاتتاخر لان انا بعد ابغى آخد لي لفه
رد محمد:ماعليه
المهم ماجع اله بعد نص ساعه وفي هالنص ساعه كل شوي وصاح جوال محمدالشباب وهو رايح كذب عليهم واحد يقول ماجيت وواحد يقول تأخرت وهو رايح كذب عليهم يقول لهم دانا جاي بالطريق دانا اعبي بنزين رجع محمد الى عبدالله اخوه بعده ماخلص الاكل اله عنده باقي واجد محمد: والحل اللحين باقي واجد شكلنا بتأخر في لدوارة
قال عبدالله : خلاص روح انا مابطلع وياكم الليله
محمد:ليش
عبدالله مالي نفس وكان متردد
محمد :اوكي
نادى محمد علي حيدر علشان يروحوا الى الشباب
حيدر ازين دانا جاي (تأخر حيدر يدور بخاخ الرغوه اله احنا نسميها الثلج ومحمد معصب)
محمد :حيدروه يالله بسرعه ترى بمشي عنك
حيدر:استناني دقيقه
شوي وجاء حيدر وركبوا السياره عشق محمد الوينيت اول شي اتلفت يمين يسار علشان لايشوفه الوالد وهو يفحط رص الدعسه وهو منطلق بتفحيطه مستانس مايدري هالطلعه بتتطلع عليه رادي المهم عبى بنزين من محطة السنان ب20 ريال وهو رايح تركيا الى الشباب اول شي مر على علي سلمان وكان يوزع ويستنا اخوه يجي بداله ومحمد واقف اياه اله جوال محمد يصيح حسن حبيب متصل عليه ورد محمد عليه وقبل مايتكلم حسن
قال محمد :خمس دقايق وانا عندكم
قال حسن:مر عند بيت عمي وخد مرتضى محمد وروحوا اشتروا خرز الى المسدسات
مر محمدعلى مرتضى ونزل حيدر يقعد مع الشباب على مايروحوا محل ابريالين(خد وهات) اله يصير في شارع تركيا الصناعيه دخلوا المحل
مرتضى: صديق عندك زهب(خرز)؟
الهندي :ايوه موجود
محمد: جيبها اشوف
مد الهندي ايده تحت الطاوله وطلع علبه خرز
محمد:بكم هده؟
الهندي: 5ريال
توه محمد بيطلع لفوس اله مرتضى يقول ماادري امر البيت انا أخد مسدسي ولاشرايك محمد
محمد: ماعندنا وقت تدري ؟ انا عندي الحل
صديق عندك مسدس؟
الهندي: ايوه فيه واشر عليه أخد محمد واحد وساله بكم ؟
الهندي:5 ريال
محمد :والثاني ابو الليزر
الهندي :20 ريال
تنحنح محمد وقال خلك على ابو 5 ريال احسن أخد محمد واحد ومرتضى واحد ودفعوا لحساب وطلعوا راحوا الى الشله ركبوا كلهم في الصندوق ماعدا فاضل ركب قدام بالغماره كالعادة
نزل محمد الى حسن حبيب وقال له تعال سوق انت بالبدايه حسن مارضى وبعد الحاح من محمد وافق
قال محمد:خلنا نروح العواميه
قالو الشباب: لاخلنا نروح تاروت أحسن
قال محمد :تاروت تاروت بكيفكم

نًبَض جُ ـًدِيِد

المهم بدوا لدواره اول بالفريق الوقف ويوم وصلوا عن مخبز رغيف تاروت اله حسن حبيب وقف راح له محمد
وقال وشي فيك وقفت
قال حسن يالله محمد شرف سوق
محمد: شدعوة توك سايق
حسن حبيب : شوف محمد بوابه عليي وبوابه عليك وبوابه كميل علشان لانتعب
محمد :اوكي
وتوه محمد بيمشي واله عبدالله متصل على محمد
رد محمد : الو هلا وشي تبغى؟
عبدالله :لابس شفتك مار ومحمل وشي بتنزلهم السوق
محمد:أي ههههههههههه ويش بجي ويانا
عبدالله:متردد
محمد:تعال دحنا بنستناك عند مخبز رغيف تاروت (اله يصير في وجه قصر تاروت (القلعه))
عبدالله: يالله دانا جاي
اشوي اله عبدالله جا وركب معاهم بالصندوق وله كأنه قبل اشوي متصل يصخر عليهم ويشبهم بالغنم ومشوا مروا الربيعيه البوابه اله عند البنك البريطاني طبعاً حسن حبيب ماخلى شي اله ضربه بالمسدس وبعدها طلعوا عند البوابه اله عند مطعم القلعه وطلعوا عند اشاره سنابس راجعين
ومحمديشاور فاضل وين نروح اللحين ؟
فاضل : على هواك
محمد :تاروت مابقى فيها اله الدشه وزحمه وانا مالي خلقها ولا الشارع اله فيه لحتفال الايام العاديه زحمه كيف بعد الليله الناصفه مايمديك تتحرك
المهم عوج ابهم على المحدود وهو يخوبل بهم مرة يسرعه ومرة يدعس بريك مفاجئ وصلوا عند اشارة المدرسه التاسعه لفوا على المحدود وصلوا عند لحتفال اله قريب من الحديقه
محمد قال الى كميل بعد هادي البوابه انت استلم لسواقه
كميل: اوكي
المهم وصلوا الاحتفال اله واحد رجال كبير عنده غرشه ماء ورد وواحد في ايده جيك عصير(فيمتوا)ويطلعوا فيهم بشكل غريب
قال محمد : عطشان ابغى كاس عصير
عطى الرجال محمد كاس عصير وماشاف محمد اله خويه الرجال الكبير عطاه غرشه الماء ورد
محمد: وش اسوي فيها
الرجال الكبير : خدها وفكني بس امشوا
ومحمد نسى سالفة المسدسات اله عندهم مشى شوي وبدل محمد مع كميل لسواقه مرتضى قعد قدام مع كميل وفاضل قام ورى مع محمد في الصندوق توجهوا الى القطيف الشريعه كانوا يبغوا يسلموا على واحد من الشباب وهم في الطريق وكل واحد في بيده رشاش والمسدس مالحقوا وصلوا عند اشاره مزايا واله اشارة زحمه

البـــــــارت الثــــــــــــــــــــــــــــــــــــــــــــاني

فتحت الاشاره وهم في المسار قبل الاخير على اليسار وواله واحد يميل عليهم من اليمين سيارة(افيوا تاربع الى الجميح)ركزوا على السيارة صغيره صاروا على اليسار وبعده يميل شوي وباقي شوي ويركبوا على الرصيف وماشافوه اله عارض السيارة في وجهم مباشره واله وراهم لاصق فيهم على طول يعني مايمديهم يتقدموا وله يرجعووا وماشافوا اله ناس عندهم اسلحه وكل واحد ييشن على شي واله واحد من الشباب يقول لهم مو بس انتوا عندكم اسلحه حتى احنا عن حساب ان يمزحوا وهو ماقال كذا الا................

البــــــــــــــارت الثـــــــــــــــــــــــــــــــالث اله فيه المشكله

صغيرة صاروا ع اليسار وبعدها يميل عليهم شوي ويركبوا الرصيف ماشافوه اله عارض السيارة في وجهم واله وراهم لاصق فيهم على طول يعني مايمديهم يتقدموا قدام وله يرجعوا وراء ومايشوفوا اله ناس عندهم اسلحه وكل واحد ينيشن على شي اله واحد من الشباب يقول مو بس انتوا عندكم سلاح حتى احنا هو ماقال كذا اللا بسرعه نزلوا من السيارتين ناس باسلحتهم وموجهينهم عليهم وهم يقولوا وله حركه وله حركه طالعين فيهاfbiعلى غفلة محمد في باله يقول اول ماشفتهم اختلعت اقول وش يبغوا دولين بس بعدين عرف عشان المسدسات هو ماعطلها مد عليهم الرشاش
وقال:لعبه امسك بن...
العسكري وهو يصارخ وله كلمه وله حركه وهو يأشر بالرشاش اله عنده يبغى محمد يقعد محمد شاف كذا قال لايسويها هالهبل ويطلق وفي مفس الوقت تذكر السكين الي عنده قال في باله والحل مالي اله احطها تحت الزولية اله في الصندوق واذا شافوها اقول ناسيها يوم اقص الزوليه يمكن تمشي عليهم لان أكيد بيفتشوهم وفعلاً قالوا لهم انزلوا وفتشوهم وناس اتفتش وناس موجها لسلاح وواحد على الجهاز يبلغ العمليات ترسل دوريات مسانده وفي أقل من دقيقه وصلت 3دوريات من وين طلعوا لاتسالوا اخدوا اثباتاتهم ونص الشله مو حاملين اثباتاتهم يعني هذا باقي مروقها زي مايقولواايه القعدة في الحوض مخالفه ووينيت ابو رفرف مشبوه وأسلحه وبدون اثباتات كملت وبما فيهم كميل الي كان يسوق قالوا لهم اركبوا الدوريه محمد حقر العسكري وراح يطفي انوار الوينيت لان هم طفوه بس ماطفوا الانوار واله اثنين من البحث تفتيش بالوينيت مابقى اله يقلعوا السيت
اله العسكري يقول: ماتسمع انت
محمد قام يتعيبط عليه ويقول وسيارتي بتخلوها اهني؟
العسكري قال لابيوديها العسكري
ركب محمد اول دوريه شافها زحمة قبل لايسكر الباب نزل وركب الدوريه الثانيه وعلي سلمان يتحرطم يقول حر ويقول حق العسكري ياتنزل النافدة يارترفع على المكيف اله العسكري يقول خلك ساكت واله بجيت الضابط (مقدم) نازل من الدوريه وقام يتكلم ويا البحث والشباب يشوفوه يضحك قالوا اكيد عرف انا الاسلحه العاب

نًبَض جُ ـًدِيِد

البـــــــــــــــــــــارت الرابع

وهم رايحين المركز واله زهير يقول اسمعوا اسامينا ع الجهاز
فاضل علي آل........... رقم الحاسب الآلي 96ـــــــــــــــــــــــــــــــ10 قالو اسامي الشباب وعبدالله ومحمد قام يكمل اسمه والسجل المدني كله بصوت مسموع وبعباطه ماشافوا العسكري اله يناطط المطبات وهم مشادخ بهم ورا وكل مانط مطبه قال محمد يــــــــــــــــــــــــــــــــاعلي
العسكري انقهر وزهقان حده
وفي الدوريه الثانيه
حسن حبيب وأحمد وامااذكر الباقي من
حسن حبيب يقول ان العسكري عدل وياهم يسولف ويضحك وفتح الزجاج يعني فالينها معاهم
والدوريه الثالثه مااذكر من الي كان فيها بس هم بعد العسكري يناطط المطبات ابهم يعني مشادخ بهم
المهم وصلوا المركزووقفوا عند باب المبنى الداخلي الي على اليمين فتحوا بيبان الدوريات ونزلوا وكل واحد يطلع في الثاني ويضحك تقول رايحين رحله مو في مركز شرطه دخلوا داخل والعالم تتطلع فيهم مستغربين شنو مسوين هالجيش كله الان ماتشوف شله كذا في الشرطه الا في مضاربه وهم كاشخين ويضحكوا يعني مايبي انهم مضاربين وله كأنه صاير شي
المهم جاء ليهم العسكري يقول:اله عندهم اثبات خلكم على اليمين واله ماعندهم اثبات يوقفوا لحالهم
خلاهم مقابلين بعض 5 دقايقواله بدخلت عسكري في يده اسلحه ودخل المكتب الي على اليسار ونادى على الي ماعندهم اثبات محمد دخل معاهم علشان حيدر اخوي بعد صغير ماطلع له اثبات
يوم دخلو المكتب قام محمد يتعيبط على العسكري
يقول له : تبغى اثبات اخوي بعده وهو ياشر على حيدر
نطق واحد من الشباب يقول:امشي بدفتر العائله
ابتسم محمد وقال:شكلي باسويها
وبعدين سال العسكري محمد كم عمره؟
محمد:وانا شو دراني
محمد :كم عمرك ابو طالب
حيدر12سنه
سجل اسمه وعمره وقال خلاص انتظر بره
فتشوا الشباب وسجل اساميهم وبعدها فتشوا اله عندهم اثبات وخلوهم ينتظروا في السيب
تعبوا من الوقفه جلسوا على الارض وله كأهم مسوين شيء وهم قاعدين يسولفوا اله حس حبيب قال الى العسكري ابغى الحمام (الباث روم)وانتوا بكرامه
قاله له العسكري :تعال وطالع فيه وهو يقول تحبب انت واله تحشش
قال حسن حبيب:الله يبعدنا عن هالحاجات
وفتش محفظته والعسكري يتحرطم كل شيء تسووه يأهل القطيف
نطق كميل :موكل الناس مثل بعضها
وحسن حبيب واقف عند باب الحمام رفع راسه وقام يطلع في النافدة
واله العسكري يقول:لاتفكر انك تقدر تهرب
رد عليه حسن بستعباط ادري في شبك شفته
اله يقول زهير : أي ولد العم مو تفكر نفسك غوار
دخل الحمام وقضى حاجته ورمى لزهب اله في مخباه وطلع وضلوا جالسين سوالف وفي رجال جالس
ساله محمد:وشي مسوي اخوي
قال : مانا مسوي شي
محمد : أجل ليش جابوك دامك مو مسوي شي؟
قال ماعندي اثبات
محمد : كان كلمت احد يجيب بطاقتك له؟
قال:جابها لي اخوي وانا في الدوريه
محمد: ولويش مقعدينك عيل
قال: ماادري انا من جابوني صار لي ساعه ونص وله أحد كلمني وبعدين سال هو انت والجيش ذه كله شنو مسوين
ضحك محمد وبعدين قال له وهو يطالع العسكري: اسلحه مزيفه
قال: شنو ذي بعد اسلحه مزيفه؟؟
محمد :يعني مسدسات العاب
قال: يالله الله يعينكم ومايسوها سالفه لكم لان في ناس انسجنوا على هالالعاب
محمد الله يستر
وجا ليهم العسكري وسالهم من الي كان ماسكنهم فيكم هم سكتوا وعود عاد السؤال
طق حسن: انا كان في ايدي واحد
قال محمد: وأنا كان في ايدي واحد
قال كميل : وأنا بعد كان في ايدي واحد
قال تعالوا وراي دخلوا المكتب وحط المسدسات والرشاشات على الطاوله وسالهم كل واحد يأشرعلى اله كان ماسكنه
وبعدين كل واحد اشر على الي كان ماسكه سجل اساميهم وبعدين سأل من اله كان السواق وسجل في الورقه وقال انتظروا بره وبعدين أخدوا الاسلحه مكتب ثاني وقاموا العسكر يلعبوا بهم ودخل معاهم زهير يعلمهم كيف يستخدموهم
واله بجيت اخوا واحد من الشباب بعد نص ساعه قال العسكري الى محمد كلم ابوك علشان يجي ياخد اخوك الصغير مش حلوه تخلي البزر هنيه
قال محمد:مايصلح اخليه يروح مع خويي
قال لا لازم يجي ابوك يستلمه
قال محمد : اجل خليه يستنى
قال : بكيفك
أخدوهم بعدين الى مبنى ثاني هم فكرو ا اهم بيدخلوهم الحجز بس طلع نفس الشيء انتظروا في السيب بس هالمرة طابور مثل طابور الصباح
حتى واحد من الشباب يقول : كأنه في المدرسه ومتأخرين عن الطابور وموقفنا حليموه(حلمي الشامسي مدير مدرسه النجاح) وكل واحد يقول حاجه
فاضل يقول اقروا دعاء التوسل كان نطلع
كميل وهو مسوي حاله معصب خلاص صخوا كل واحد يطلع جواله ويقرأ له قصه اديتونا بهدرتكم
والعسكري يارايح ياجاي في ايده اوراق قضيتهم وبعد حوالي 10 دقايق عودوا رجعوهم الى المبنى اله كانوا فيه ومحمد متردد يتصل على ابوي لو مايتصل واله عمتي داقه على حسن حبيب

البــــــــــــــــــــــارت الخامس والاخير

واله شوي اله عمتي داقه على حسن
محمد قال اكيد بتقول الى ابويي لان متقاعد من الشرطه وعنده معرف
تأخر الوقت صارت الساعه وحده دق ابو زهير على زهير وقال له زهير اهم بالشرطه ممسوكين ويوم سأله شنو مسوين قال مو مسوين شي بس عشا قاعدين في صندوق الوينبت وكم واحد من الشباب ماعندهم اثبات ابوه قال له خير ان شاء الله دانا باجيكم
ومحمد متردد يكلم ابوي لو مايكلمه وبعد 5دقايق قرر يكلمه وتوه مطلع جواله بيدق عليه اله جواله الثاني يدق واله هو المتصل الوالد
محمد: هلا ابويي
الوالد: هلا بيك وينك
محمد: انت وينك
الوالد: أنا على الجسر راجع من القطيف
محمد:تعال لينا الشرطه خد حيدروه(محمد من سؤال ابوي له وينك حس انا عمتي قال له
الوالد :شنو مسويين ؟
محمد قال الى ابوي نفس الكلام اله قاله زهير الى ابوه بس قال له زياده سالفه المسدسات بعد
الوالد:انا عندي حريم اوديهم واجي
محمد: خلص مشاويرك وتعال
الوالد:اوكي
(طبعا مثل ماتوقع محمد عمتي اتصلت على ابوي واني كنت موجوده مع ابوي في السيارة ماخدني لان عنده ممرضه في مستشفى البطي بيرجعها بيتهم ومثل ماتعرفوا اا ليله الناصفه الدوريات منتشرين في كل مكان وخاف يعطوه مخالفه لان الباص فيه ستاير ومضلل وهم مشددين على الباصات فأخدنني معاه حمايه ولما اتصلت عمتي ابوي عصب وقام يسب هذا محمد حمار مركب معاه صخال في الصندوق ومدري ايش ولو يصيده شي محد جاب خبره وكلهم شالوا ايدهم عنه وهو اله تصير عليه الخساير اني شفته كذا ماعرفت شنو اقول قلت له أي عجل ليش هو يبغى الويني وصرت اايد كلام ابوي واللمرضه احساها مستغربه لا كان ابو مروق بعدين بعد المكالمه عصب وقام يسب في محمد قدامها ونفس الشي عصب لان محمد ماكلمه على طول من اول مامسكوهم لما عمتي دقت عليه مادرى وودى الممرضه بيتهم الظاهر كان في القلعه او الشريعه والله وما اذكر وبعدين راح المركز وخلاني بالباص وقال قفلي الحبات عليش ونزل )

نًبَض جُ ـًدِيِد

المهم نرجع الى القصه
جاهم المقدم ارشود قال: من صاحب السيارة
قال محمد أنا
ارشود:قال الى محمد اللحين انت يوم مركب اياك هالجيش كله مافكرت لو لاسمح الله صادكم حادث وتنقلبوا
محمد: احنا مانسرع نتمشى بين الحواري
ارشود: انزين انتوا ماتسرعوا افرض ان واحد جاي مسرع وصدمكم وتوفى او انصاب واحد منك راح تتحمل انت المسؤوالية
محمد نزل راسه وسوى روحه متأثر
قال ارشود : صحيح كلامي واله لا
محمد طالع لصبيان على جنب الهم يضحكوا عليه لندول محمد اخفى ابتسامته وقال بصوت نزيل عدل كلامكورفع راسه يطلع فيه اله هو يقول : الواحد احيانا يستخدم مخه قبل مايسوي شي وهو يأشر بصبعه على راسه ودخل مكتبه
يحقق ويا ناس مضاربين بسكين وواحدد شايب مشتكيي على واحد مهدده بخنجر وواحد مضارب وتاهمينه عنده سلاح
جا ابو زهير قالوا له تعال الساعه 2 وثلث جا يطل عليهم وهو يقول :حسافه وش اقول لكم كلكم محسوبين رجال مافي اله هالجاهل مسكين ضايع بينكم يعني حيدروه وطلع وجا ابويي
محمد سوى روحه زهقان علم ابوي بالسالفه وجا بيأخد حيدروه وبيطلع مارضى العسكري اله عند الباب يقول له الضابط دخل الوالد على الضابط مع حيدروه ومحمد واقف عد الباب يسمعهم وشي يقولوا ويطلعهم من على جنب
قال ابويي : أنا ابو هالولد وداك الولد وهو يأشر على محمد وقال له تعال دخل محمد
سأله ابوي كم واحد انتوا 15؟
محمد: ماادري
ابوي: فرقت الدفاع المدني مايطلعوا هالكثر
ومحمد ساكت قال له ارشود :وين تشتغل انت؟
محمد :شركه حفر ارقوق أي تقيب
ارشود: انت ماتحمد ربك
وبعدين قال الى الوالد استنى اسجل لك ورقه علشان تاخد الجاهل (الحدث)معاك التفت يمين ويسار يدور ورقه عود غير رايه قال له تعال الساعه 2 علشان يحس ابها وتحس ابها انت بعد يوم قال اتحس ابها انت بعد الوالد قال انا حاس بها محمد حس الوالد مغتاض من داخله من كلمه ارشود وطلعوا من المكتب ابوي رجع البيت ومحمد راح قعد على الكراسي والشباب يسالوه ويش؟

نًبَض جُ ـًدِيِد

محمد قالوا له تعال الساعه ثنتين وطبعا ومحمد يقول لهم كان وذه يسب بس خاف من العسكري يسمعه ويسوي له مشكله
دخل المتشابق حققوا معاه وبعدين اخدوه الى الحجز ومابقى اله هم بالمركز وياقاعدين على الارض ياواقفين وياقاعدين على الكراسي والعسكري يطلع فيهم واحد واحد وهو زهقان لان من دخلوا وهو واقف على الباب وهم مو هامنهم شي يروحوا ويجوا في داك السيب ومكالمات الين مازهق وقال ممنوع تكلموا جوال وله حد طبعاً جايب خبره وكل مارن جوال واحد رد والعسكري يقول ممنوع الجوال الين مايخلصوا مكالمه وبعدين يردوه عليه بعباطه وشي تقول ويعود يقول ممنوع الجوال ماتفهموا انتوا وهو يتكلم رن جوال حسن حبيب رد عليه حسن
وجا له العسكري يقوله ماتفهم انت
حسن رد عليه بزمخه هاه ابوي ماارد عليه كيف يجي يكفلني؟
قام يهدد العسكري وقال له :انا مالي شغل هذه الاوامر واي واحد بيكلم بادخله الى الضابط يتفاهم معاه
وهو يتكلم دق جوال محمد قام محمد رواه الجوال وقال له هذا الوالد علشان يجي يكفلني
العسكري : رد عليه
رد محمد على جواله وقام يساله الوالدوش صار اياكم
محمد:وله شي
الوالد :يالله دانا جاي لكم
واله بجيت ابو زهير وأخوه ابو حسن وأخو مرتضى نادوا على صاحب السياره دخل محمد وسالوه عن اسمه ومن السواق قال كميل
قالوا له نادي على كميل نادى على كميل وساله الضابط من اله كان ماسك المسدسات
قال كميل :أنا كنت ماسك واحد وماادري عن الباقي
الضابط وشلون ماتدري
كميل:أنا اسوق وشي مدريني عن الي ورا
محمد :أنا عندي واحد والثالث عند حسن
الضابط: نادي لي على حسن
محمد نادى على حسن ودخلوا ثلاثتهم وقال لهم الضابط سكروا الباب سكروا الباب يبوا يشوفوا تاليتها مع هالجيزاني فتح المحظر سجل اساميهم وبدا يحقق مع كميل
الضابط: ياكميل وش كنت ماسك من السلاح المزيف
كميل:الصغير
الضابط: عندك أي هدف من حمل السلاح
كميل:لا
الضابط:هددت احد به استخدمته في سرقات او شي من ذلك؟
كميل:لا ابد
الضابط: من وين جبتوهم؟
كميل من المجمع الجديد القطيف ستي مول
الضابط: وشي اسم المحل اله شريتوهم منه؟
كميل: ماادري
الضابط:وشلون ماتدري
كميل مو انا اله شريته صاحبي
الضابط : انزين ياكميل تعال اكتب اسمك ووقع
الثاني محمد
الضابط شنو اسمك
محمد: محمد علي.......
الضابط: وش عندك من سلاح؟
محمد: رشاش طويل
ساله نفس الاسئله ورد عليه بنفس الاجوبه وزاد عليهم عندك زيه بالبيت؟
محمد: لاماعندي((طبعاً كذاب من عيونه وهو عنده اربعه معلقين في الطوف في غرفته بس ماقال له علشان لايقول له جيبهم))
وبعدها قال له تعال اكتب اسمك ووقع
رن التلفون حق الضابط ألو مرحبا وقام يتكلم مع الضابط وبعدين جاب موضوعهم أثاري الضابط يساله شنو سويت معاهم قال له باخد كفالتهم والثلاثه اله حاملي لسلاح عنده يحقق معاهم
يوم قال كذا الشباب جا في بالهم قالوا شكلنا بننحجز سكر السماعه وقال العسكري خد هالورقه وسجل اسم الكفيل ورفم الحاسب حقه وتلفونه واسم المكفول راح العسكري يسجل الاسامي وهو طالع وابوي داخل سجل اسمه وكفل اخوتي عبدالله وحيدر وقال الى الرقيب أنا ابو هالولد وأشر على محمد وقال من زملائكم في المديريه
قال الرقيب الى ابوي استريح جلس ابوي وبدا يحقق الضابط مع حسن
ساله وحسن يجاب بدون نفس طبعاً نفس الاسئله ونفس الاجوبه انقهر الرقيب من اسلوب حسن ويوم ساله من وين جبتوهم؟
حسن: من صاحبي
نط الوالد بعصبيه من هو ذه صاحبك؟؟
قال حسن: حسين
الوالد : قول حسين مو صاحبي
تحمس الرقيب شوي ويا الموضوع اله يقول لو جايبين لكم واحد نفسه في خشمه كل سؤال بطراق كان تكلمتوا
حسن: وش تبغاني اقول
مامداه يخلص كلامه اله الوالد ناط له بصوت مرتفع تكلم عدل
قال العسكري الى الوالد خله ماعليك منه أنا ادري انه يكذب بس بامشيها بس اسمع لو بغيت فيك كان رويتك وتراك بتتعب في الكلام يالله تعال أكتب اسمك ووقع
سال ابوي تتكلفلهم قال هذا ولدي وهذا ولد اختي أكفلهم
سال الضابط كميل انت وين كفيلك ؟
كميل ماعندي كفيل
سال الضابط ابوي: تكفله:
الوالد سال كميل مو انت ولد جعفر........له؟
كميل :أي
الوالد اكفله
كفلهم ابوي وسجل رقم لوحه السيارة في المحظر وطلعوا حوالي الساعه 3 وثلث
مالحق محمد طلع تباعد عن المركز شوي وحد مايجيب الى البيت ويوم وصل البيت قال حق اخوتي يالله بعد السحور رتبوا السياره وناموا واليوم الثاني وله كأنه صاير شي
حسن وفاضل وزهير وكميل رجعوا مع اابو حسن حبيب وضحك وابو حسن عادي وماكانه صاير شي جلس يضحك على اله صار
المهم نزله عند بيت عند بيت زهير لان سياره حسن وسياره كميل عند بيت زهير جلس حسن وزهير كل واحد يدخن على ماتسخن السيارات
بس زهير وفاضل على طول نزلوا دخلوا بيتهم
أحمد نجيب وأحمد حسين جا اليهم أخو احمد حسين وعمه بس احمد حسين كفله عمه وأحمد نجيب كفله أخو أحمد حسين
طبعا وهم في غرفه التحقيق الي هم محمد وحسن وكميل دخل واحد المبنا يقول وين اخوي عبود بصوت عالي طلع اخو عبدالله د
باقي حسين عبدالله وعلي سلمان جا اخو حسين اله هو احمد وكفلهم
مرتضى جا له اخوه وكفله
بس ماطلعوا من المركز اله الساعه ثلاث وشوي يعني الفجر من الساعه 10
الليله اله بعدها جلسه بالحديقه مايشوفوا اله مرتضى جاي وفي ايده مسدس صغير وقام حسن حبيب اخده من عنده وكسره وكل واحد قام يضحك على الحركه هههههههههه>>>مالومهم متعقدين محبوسين من الساعه 10 الى الساعه 3 الفجر
بس في واحد نقص من الشباب ابوه مانعه مايطلع من البيت ابد من العمل الى البيت يعني 14 يوم بالعمل و14 يوم بالبيت في بيتهم لمده 6شهور تقريباً هو اني اعرف اسمه بس محمد مانعني اقول اسمه معاً للاحراج يالله زين علشان يتأذب ومايتابعهم في هيك طلعات
بس الحمدلله على كل حال رجع كل شي مثل ماكان وأحسن بس في كانوا مجموعه ناقصين ماطلعوا وياهم من حضهم انشغلوا

هذه القصه من الاول الى الآخر مافي شي زاد من عندي ان شاء الله تعجبكم
ومع ألف سلامه ولاتحرموني من الرد وخصوصاً ابطال القصه اذا قريتوها وأسمحوا لي لو قلت شي ماتبوا أحد يعرفه بس مايخصني دام هذا الشي فيكم وبعد مرور عام من القصه ليله الناصفه طبعا ماطلعوا كلهم بسيارة كل واحد لحاله وكل شوي اهليهم اتصلوا عليهم وابوي دق على ريل عمتي يقوله ولد عمك الليله الناصفه العام ودونا الى ارشود كلمهم لايطلعوا طبعا الوالد يبي يخوف ريل عمتي وريل عمتي دق على ولده يقول له ارجع البيت وهو مو راضي قام ريل عمتي دق على ابوي وقال له كلمهم انت انا مايسمعوا كلامي
واللحين من يمروا عند اشارة مزايا يضحكوا ويذكروا الموقف

تحياتي المعطره بالفل والياسمين
أفديــــــــكـ

___

[ندعوك للتسجيل في المنتدى أو التعريف بنفسك لمعاينة هذه الصورة]
للآمآنهـ > قراتـ مقآطعـ منـ الجزىء يليـ خطهـ صغير
يسلموـوـو ع المجهوـوـود [ندعوك للتسجيل في المنتدى أو التعريف بنفسك لمعاينة هذه الصورة]

Admin

أستمعت بـ القرآءهـ
والحمدالله على سلآمتهم
طلعتي تبدعي بـ كتآبه القصص [ندعوك للتسجيل في المنتدى أو التعريف بنفسك لمعاينة هذه الصورة]
يسلمممو ع الطرح
يعطيك الف عافيه
ماننحرم من جديدك

نًبَض جُ ـًدِيِد

يسلمو على المرور ولكن هذه القصه واقعيه ليى من تأليفي

-

بصررراحه قصــه ممتعه
ومشوووقه
تسلمييين على الطرح

» كورنيش القطيف..}~
» طلعتنآ لقلعة القطيف..
» آغنيه شباب ساقطين بالمدرسه